Mergjaður árangur hjá Annie Mist

Þó að ég megi heita anti-sportisti, og hef t.a.m krónískt óþol gagnvart síbylju um boltaleiki, þá hef ég lítillega kynnt mér crossfit og þykir nokkuð til þeirrar íþróttar koma. Hún virðist að mestu laus við hópsálarstemminguna sem fylgir t.d boltaíþróttum og er skemmtilega árangursmiðuð rétt eins og frjálsar íþróttir. Miðað við það sem ég hef séð frá þessu sporti þá er það alveg ótrúlegur árangur hjá Annie að mæta þeim bestu (á heimavelli) og fara með sigur af hólmi.  Upphæð verðlaunanna bendir til að mótið hafi verið alvöru og undirstrikar árangurinn.

 

Annie Mist sigraði

Athugasemdir

[Lára (IP-tala skráð) 1.8.2011 kl. 17:01]

Þannig vill til að knattspyrna er og hefur verið VINSÆLASTA íþrótt í heiminum í áratugi. Þannig að þú sérð hvaða álit heimurinn hefur á ,,crossfiti".

[Ólafur Eiríksson, 1.8.2011 kl. 19:35]

Vissulega er knattspyrna vinsæl , einkum sem sjónvarpsefni. Hinsvegar segir það afskaplega lítið -ef nokkuð- um álit heimsins(?) á crossfitness. Það er síðan smekkur hvers og eins hvort að mat á íþróttum fer eftir vinsældum þeirra. Það sem ég vildi kannski sagt hafa en sagði ekki beinlínis í færslunni er að Annie á þennan árangur ein og sér þó svo að vafalítið hafi nú notið stuðnings margra á leiðinni í markið.