Argentína hefur neyðst til að stóla á innlenda fjármögnun!

Niðurlag fréttarinnar segir:

En argentínska leiðin hefur þó sína galla. Þannig hafa opinber útgjöld aukist um 35% ári og í ár var verðbólgan í landinu á bilinu 25-30%. Argentína hefur einnig verið hrakið af alþjóðamörkuðum og neyðst til þess að stóla á innlenda fjármögnun frá t.d. lífeyrissjóðum og seðlabanka landsins.

Þegar litið er yfir ástandið í fjármálakerfi heimsins þessa dagana hvar alþjóðleg bankakreppa ríður húsum og fjöldi ríkja er gjaldþrota gagnvart útlöndum þá veltir maður fyrir sér hversu mikil neyð þetta er fyrir Argentínu til lengri tíma. Eða svo að maður líti sér nær og skoði þær hrikalegu vaxtagreiðslur sem Ísland þarf að reiða af hendi í skiptum fyrir útflutning á vörum og þjónustu um þessar mundir eftir gengdarlaust erlent lánasukk.  Það skyldi þó ekki vera að þetta væri einmitt aðferðin til að reka samfélag?

Sagan af Commonwealth bankanum í Ástralíu sem var gagngert stofnaður til að sporna gegn erlendri lánsþurrð sýnir að hægt er að fara aðrar leiðir. Hér er hún á Íslensku.

 

Argentína vinnur sig út úr kreppunni

Athugasemdir

[Guðmundur Ásgeirsson, 20.12.2011 kl. 15:57]

Að sjálfsögðu er það rétta leiðin að fjármagna uppbyggingu með innlendri fjárfestingu, til þess er hún.

Erlend fjárfesting er nefninlega í þjóðhagslegu samhengi það sama og erlend skuldsetning, sem í miklum mæli skerðir fullveldi.

Ég hef til dæmis aldrei skilið, fyrst erlendum fyrirtækjum finnst svona góður bissness að byggja hér álver, hvers vegna í veröldinni hafa þá Íslendingar ekki fyrir löngu síðan myndað félag til að fjárfesta í svo arðbærðum rekstri og nýtingu auðlinda landsins? Þetta hefur aldrei verið útskýrt með fullnægjandi hætti, sem bendir til að forsendurnar séu eitthvað meira en bara viðskiptalegs eðlis.

Getur verið að Íslendingum sem vildu fjárfesta í stóriðju hér myndu ekki bjóðast sömu kjör á orkuverði og útlendingum? Ef það er ástæðan fyrir því að þetta væri ekki góður bisness fyrir Íslendinga, þá þarfnast sá aðstöðumunur frekari skýringa við.

Ef ég væri í stjórn lífeyrissjóðs væri mitt fyrsta verk að láta meta viðskiptafæri sem felast í uppkaupum á erlendri fjárfestingu, til dæmis hvort ekki væri alveg eins gott fyrir íslenska lífeyrissjóði að eiga eitt stk. álver og hafa af því tekjur, eins og hvað annað?