Tímabær rannsókn

Það hefur ávallt lagt illan daun af þessari aðgerð. Peningamarkaðssjóðirnir voru reknir á landamærum hins löglega hvað samsetningu snerti eins og afskriftir þeirra sýna. Grunur leikur á að bjarga hafi þurft "góðu" fólki sem átti stórar eignir í sjóðunum og jafnvel stjórnendum þeirra sem sumir hverjir eru vélaðir inn í íslensk stjórnmál.

Frasarnir eru kunnuglegir - sá klassískasti í fréttinni er að "það hafi þurft að eyða óvissu". Flumbrugangurinn kringum bankahrunið getur vel mögulega hafa kostað skattgreiðendur fúlgur fjár. Jafnvel svo háar fjárhæðir að samfélagslegur kostnaður af rofi á greiðslukerfinu yfir nokkurra daga, eða jafnvel vikna, tímabil eru smáaurar við hliðina á því.

Eftir situr almenningur með bitrar grunsemdir um að hagsmunir fjármagnseigenda hafi verið settir fremstir allra og skattgreiðendur axli mislukkaðar áhættufjárfestingar þeirra. Beint eða óbeint.

ESA rannsakar bankana

Athugasemdir

[Kristján Loftur Bjarnason (IP-tala skráð) 8.9.2010 kl. 16:55]

Mér hlakkar svo til jólanna, þegar EFta ákveður að stofna til formlegrar rannsóknar á Ríkinu og hrunflokksmönnunum fjórum

[Ólafur Eiríksson, 8.9.2010 kl. 18:06]

Rannsóknarnefnd alþingis stóð vonum framar en það vantar eftirfylgnina. Þökk sé fjórflokknum.