Að nema land í geimnum - Stephen Hawking

Ég læt liggja milli hluta hvort að guð skapaði alheiminn eða hvort að maðurinn skapaði Guð. Þetta veit ég ekki en grunar hið síðarnefnda.

Það sem er því miður rétt hjá SH. er að mannkyn er í óða önn að ganga frá sjálfu sér með því að ganga á takmarkaðar náttúruauðlindir. Sú umræða er svo hrollvekjandi að fæstir stjórnmálamenn taka þátt. Þetta er eitthvað sem kemst aldrei almennilega í opinbera umræðu nema undir einhverjum öðrum formerkjum. T.d umræða um endurvinnslu og þvíumlíkt. Vandinn er að þó að endurvinnsla sé tvímælalaust órjúfanlegur hluti af sjálfbærri framtíð manna er sú endurvinnsla sem við þekkjum einungis plástur á vonda samvisku. Í það minnsta á meðan við notum óendurnýjanlegar orkuauðlindir til að knýja alla þætti endurvinnslunnar. Þetta getur komið út í nettó plús m.v enga endurvinnslu en vandamálið; að við göngum hratt og raunar sífellt hraðar á takmarkaðar náttúruauðlindir stendur eftir óleyst. Á meðan keppast allir stjórnmálamenn um víða veröld við að auka hagvöxt og skapa störf - sem er vísasta leiðin til auka vandann. Þetta er stærsta mótsögn samtímans að mínu mati.

Hvað um það, maður veltir því stundum fyrir sér hvort að mannkyn muni einhvertímann ná þeirri tækni að geta nýtt sér aðrar auðlindir í sólkerfinu eða jafnvel utan þess. Spurningin er þá hvort að mannkyn kemur sér upp þessari tækni áður en skortur á auðlindum verður stórt vandamál. Það sýnist mér ekki að óbreyttu. Sé síðan litið til þess hrikalega magns sem mannkyn notar af hráefnum þá vaknar spurningin hvort að SH ætli að flytja fólkið til auðlindanna (út í geim) eða þær til jarðarinnar. Flutningar af þeirri stærðargráðu og græjurnar sem þyrfti eru eiginlega fyrir utan nokkurn veruleika sem mögulegt er að hugsa sér. SH. hlýtur því að vera að tala um fremur fámennan hóp sem fer út í geim sé rétt eftir honum haft.

Hver ætli verði framtíð þeirra sem eftir verða? Þó að þessar vangaveltur hafi á sér mikinn óraunveruleikablæ er vandamálið til staðar og er mjög raunverulegt. 

Ljóst að Guð skapaði ekki heiminn

Athugasemdir

[Geiri (IP-tala skráð) 3.9.2010 kl. 02:36]

Ég mæli með Universe þáttaröðunum hans Hawking.

Í þessari talar hann meðal annars um að mannkynið muni hugsanlega ná að dreifa sér um alheiminn og eiga afkomendur í milljarða ára. Hann telur að við séum orðin nógu gáfuð til þess að framkvæma það eftir X langan tíma ef við útrýmum okkur ekki fyrst. Heillandi kenningar sem þessi snillingur kemur með:

http://www.youtube.com/watch?v=g8fI8wdvteU

Mæli einnig með Aliens og Time Traveling þáttaröðunum.