Af hverju gagnrýnir fólk nú Árna Sigfússon?

Ég veit ekki betur en að hann hafi framfylgt sínum pólitísku áherslum og hafi verið studdur til þess af sjálfstæðisflokknum með ráðum og dáð. Kjósendur í Reykjanesbæ kusu hann í þrígang til valda í bæjarfélaginu og þeim mátti vera fyllilega ljóst hvaða efnahagsstefnu hann fylgdi. Ef ekki fyrst þá örugglega í síðustu kosningum.

Ég er ekki kjósandi í Reykjanesbæ og fylgist því ekki sérstaklega með málum bæjarfélagsins. Þrátt fyrir það hef ég lesið flóðbylgju gagnrýni á stefnuna gegnum árin. Það hljóta kjósendur í Reykjanesbæ að hafa gert líka.

Er hér fylgt kenningunni; stefnan var rétt en það var fólkið sem klikkaði?