Brosa Jón, brosa!

Ég hef lítið fylgst með borgarstjórnarferli Jóns en það er gleðilegt að hann skuli samhliða huga að félagslegum þroska borgarstjórnarfulltrúa. Hér er á ferðinni einskonar "first contact situation" þar sem lýstur saman ólíkum hugarheimi. Réttur og sléttur grínisti reynir að nálgast atvinnustjórnmálamenn sem eru hertir í íslenskri stjórnálahefð og víðlesnir í þrætubók. Frá þeirra bæjardyrum séð notar Jón alls ekki réttu verkfærin í leiknum. Hvernig var nú annars frasinn: aldrei að mæta með hníf í skotbardaga? Sem mætti kannski hnoða upp á nýtt í tilefni dagsins: ekki mæta með bros og einlægni inn í íslensk stjórnmál.

Vona að Jón brosi út allt kjörtímabilið. Annað væri uppgjöf.

Sýni auðmýkt en fæ töffaragang á móti

Athugasemdir

[Emil Örn Kristjánsson, 27.8.2010 kl. 14:44]

Hann má brosa mín vegna en sjálf sín vegna væri honum bezt að segja sem minnst.

[Ólafur Eiríksson, 27.8.2010 kl. 16:39]

Það er sjónarmið Emil.

Og ætti nú ekki að vera vandamál - kjósi hann að gera það - með Hönnu Birnu annarsvegar og Dag B hinsvegar. Er einhverju við að bæta eftir að þau hafa lokið máli sínu?

[Emil Örn Kristjánsson, 27.8.2010 kl. 16:54]

Hmmm... Það er spurning. Hanna Birna heldur sig oftast við málefnið, Dagur stundum, Jón Gnarr sjaldnast. Svei mér ég held ég sé bara sammála þér. Við gætum helzt verið án þess að Jón Gnarr tjái sig.