Tímasprengjulán.

Eyjan segir að ekki þurfi að borga vexti eða afborganir fyrr en eftir 7 ár. Árlegir vextir af þessu verða upp á 36 milljarða. Eftir sjö ár verður höfuðstóll plús vextir þá tæpir 950 milljarðar. 

Mér þykir það vera ansi hátt verð fyrir velvild evrópskra í okkar garð og ég giska á að ef hér væri ríkisstjórn sem ekki ætlaði að drífa sig í aðildarviðræður við ESB þá dytti engum í hug að sætta sig við niðurstöðu af þessu tagi. 

Þetta er fjárkúgun.

 

Engin Icesave-greiðsla í 7 ár

Athugasemdir

[Helgi (IP-tala skráð) 5.6.2009 kl. 21:39]

Sammála þér Ólafur og athyglisvert að heyra Álfheiði í Kastljósi í kvöld viðurkenna að henni fynnist ESB beita sér harkalega í að ná fram þessari niðurstöðu. Það liggur ljóst fyrir að það á að hneppa íslenska þjóð í skuldaánauð sem við náum okkur aldrei upp úr. Síðan verða auðlindir okkar teknar upp í skuldir. Þetta eru ekkert annað en landráð og lítið leggst fyrir Steingrími sem að var hatrammlega á móti þessu þegar hann var ekki í ríkisstjórn. Við getum bókað það að framtíð afkomenda okkar er skelfileg.

[Ólafur Eiríksson, 5.6.2009 kl. 21:58]

Sæll Helgi og takk fyrir innlitið.

Maður veit ekki hvað skal halda, en það er greinilegt að íslenska ríkisstjórnin er í einhversskonar skrúfstykki með þetta mál. Ég veit ekki hvort að baki þessari atburðarás liggi einhver ásetningur um að ásælast íslenskar náttúruauðlindir en það er allavega ljóst að við erum að fara að taka rennibraut inn á slóðir þar sem við ráðum ekki ferðinni sjálf. Þessi skuldsetning er svo yfirgengileg að við verðum að sæta hvaða afarkostum sem í boði verða næstu árin. Þetta er að mínu mati ófært með öllu.